Faa'iidooyinka wacyi galinta bulshadda

 Wacyi galinta Bulshadu waa shey muhiim u ah wada jirka iyo xasiloonida ummadeed, wuxuuna kaqeyb qaataa nabbed dhiska iyo horumarka arimaha bulshada, waxci galintu faaiidooyin fara badan ayey bulsha kasta uledahay, waxaa kamid ah:-

free picture

1.    Bulsho tacliin leh: wacyi galintu waxey kaqeyb qaadataa waxbaridda bulshada, ummad walba waxey jahliga kula diriri kartaa ayagoo aqoon buuxda uleh diintooda, maadigana yaqaan, taasi waxey kasaacidaa qofka inuu maalo maskaxdiisa, waxey tirtirtaa mugdiga iyo hummaagga aan lahubin ee kudaboolan caqliyadda qofka, wacyi galintu waxey kasaacidaa ruuxa inuu maskaxdiisa maalo, isla markaana meel iska dhigo wax walba oo aan dani ugu jirin, inuu ruux shaqsiyadiisa koriyo isla markaana garaadkiisa kumeyro miraha aqoonta, tarbiyadda wanagaasan ee qof waxaa 1 ka ah asalka qoysk kuqalabeysan aqoon mug iyo miisaan leh, taasina waa  gurashada miraha hilaaca wacyi galinta.

 

2.     Wax wada qabsiga ummadda: door weyn ayey wacyi galintu ka qaadataa wax wada qabsiga ummadda, sida dhowrista wada lahaanshaha hantida guud, tusaale ahaan dhowrista wadooyinka, nadaafadda, leyrarka, cisbitaaladda, deegaanka iyo wixii lamid ah.

 

3.     Kahortagga cadaalad darida: ummad aqoon leh dhexdeeda suurta gal kama ahan isir faquuqa, kala saaridda dad isku mid ah, sheegashadda nasabiyad faan lagu xardhey, kutumashadda sinaana & cadaaladda, baraarinta kibirka, beylihinta kuwa jilicsan ama taagta daran, kutumashada sharciga IWL.

 

4.     Ilaalinta sharciga iyo qadarinta caqliyadda dadka: faaiidooyinka wacyi galinta waxaa kamid ah, in bulshadu noqoto dad mas’uuliyadda wada xambaara, dad utooran kahor tagga falalka qariba jiritaanka ummadda, kahortagga kobcinta naceyba iyo fad qalalooyinka, wacyi galintu bulshada waxey u ifisaa sidey u ilaasha lahaayeen dowladnimadooda sifa ey waalkood ula tartamaan, maskaxdoodana ugu gogal xaaraan barwaaqo kunoolaanshaha jiilalka danbe, dajinta istaraatijiyooyin xeel dheer kuna qotoma dhowrista danaha qaran ee ay wadaagto ummad kasta sifa loo ilaaliyo madax banaanidda jiilasha mustaqbalka fog!.

 

Wacyi galintu waa aqoonta bulshada oo lakordhiyo, bulsha aqoon leh Ayaana dunida hugggaan keeda heysa, dad isku tashtey hadaad maqasho waa kuwaas oo kale, liidnimo jahlibaa leh, dhaqanka ummadda oo ladooriyaa leh, gunnimo waxey gogal dhigataa kuwa aqbala ee aan garan halka dunidu u hayaanka tahay, sidaa awgeeda bulsha ahaan waa inaan noqonaa dadka leh aqoon furan, aragti xeel dheer iyo hiigsi jidkiisu cad yahay, sifa aan wadadaas u helno waxaan ubaahanahay inaan ummaddeena jahliga kala dirirno oo aan  ufurno kasmooyin lagu kobcinayo garaadkooda.