 |
| Free picture |
Aduunyadu waa hoos meera, oo hadba dhan isku roga, marna waa hilaac muuq dheer marna waa mugdi humaago badan, waa kur turaan turo badan, waa buur hadba dhan ujan jeerta, waa laan laac leh, marna waa laan sariiban oo aan laheyn wax laga dheefo, dunidu mar waa ceel qalalan, marna waa il barwaaqo sooran ah, sidoo kale dunida waxaa qurxiya camirataanka ummaddu kusameyso, balse markasta waxaa bud-dhig u ah rarasho nabdoon iyo is rog rogidda huggaankeeda oo ah xarig hadba huggaamintiisa qolo lawareegato.
Isbadal doon nabadeed oo
ah kala wareejinta huggaanka dal, taasoo lamicna ah in majaraha dal laba garab
si nabad ah kula kala wareegaan, is badal doon nabdoon micnaheedu waa in
majaraha ama hoggaanka dal jira koox kala wareegato koox kale, kala wareegaas
oo kudhisan mabaadii, kusaleysan aragti fog oo xeel dheer, ayadoo aragtidu
tahay in labuuxiyo door banaan kaasoo ey kagaabiyeen koox heysa maamulka wadan
jira, sida cadaaladda, ilaalinta qayimka ummadi leedahay, bixinta adeegyo
muujinaya sinnaanta iyo isku heynta muwaadiniinta dal, kahortagga isir faquuqa,
bixinta adeegyo dowli ah oo lasiiyo muwaadiniinta dal leeyahay, waxbarasho
firii ah, caafimaad iyo faya dhowr qiima badan kukacaya, jidad waa weyn oo waasaca,
kaqeyb galinta talada dalka ee dhalinta iyo aqoon yahanka ummadda iyo wixii
lamid ah.
Sikastaba, ayadoo laga
duulayo buuxinta baahida bulshada, xisbi walba ee wadan kajira, wuxuu kiciyaa
aragti kuqotanta in farta lagu muuqo kagaabinta waajibaadka qaran ee kadhanka
ah kuwa xukunka jooga, sidaas owgeed isbadal doonka nabdoon waa aragti
caafimaad qabta oo xukun doon ah, waana habka kala wareegidda xisbi horey
ujoogey ayadoo aragtida xisbiga hore lagu cuuryaaminayo mid kacad, kaqurux
badan, kana waasacsan ayadoo dhalinta lagu dhiira galinayo iney doorkooda
kaqaataan isbadalka maamul ee dhaqdhaqaaqa nabdoon lehna aragti iyo
istiraatiijayad mideysan kuna qotanta maamul wanaag, ayadoo cadeyneysa sida ey
doonayaan xisbi siyaasadeedka cusub sida ey rabaan iney udhowraan xuquuqda
muwaadiniinta.
0 Comments